ლევან იოსელიანის განცხადებით, ხელისუფლებასა და ოპოზიციას შორის მოლაპარაკებები საბოლოოდ არ ჩაშლილა და შეთანხმების რესურსი ჯერ კიდევ არსებობს

„მოქალაქეების” ერთ-ერთი ლიდერის ლევან იოსელიანის განცხადებით, ხელისუფლებასა და ოპოზიციას შორის მოლაპარაკებები საბოლოოდ არ ჩაშლილა და შეთანხმების რესურსი ჯერ კიდევ არსებობს. იოსელიანის თქმით, საბოლოოდ საქართველოში პოლიტიკური კონსენსუსი შედგება.

“არ მგონია, რომ მოლაპარაკებები საბოლოოდ ჩაშლილია. ვფიქრობ, რომ მოლაპარაკებების რესურსიც არსებობს და უფრო მეტიც, შეთანხმების რესურსიც. საბოლოოდ ჩვენი ევროპელი და ამერიკელი მეგობრები მიაღწევენ იმას, რომ საქართველოში შედგება პოლიტიკური კონსენსუსი. არ ვიცი ახალი ნაბიჯები რა შეიძლება გადაიდგას, მაგრამ ძველი პუნქტები, რაც დევს მოლაპარაკების მაგიდაზე, ამ პუნქტების მიმართ რომ ახლებური დამოკიდებულება იყოს ორივე მხრიდან, ამის რესურსს ვხედავ”, - განაცხადა იოსელიანმა.