იოსებ ხახალეიშვილმა წყლის რესურსების დაცვის საერთაშორისო დღესთან დაკავშირებით დასუფთავების აქციაში მონაწილეობა მიიღო

ქუთაისის მერმა, იოსებ ხახალეიშვილმა წყლის რესურსების დაცვის საერთაშორისო დღის აღსანიშნავად გამართულ დასუფთავების აქციაში მონაწილეობა მიიღო.

როგორც „ინტერპრესნიუსს“ ქუთაისის მერიიდან აცნობეს, ამ დღესთან დაკავშირებით, „საქართველოს მწვანეთა მოძრაობა/დედამიწის მეგობრები-საქართველო” ყოველწლიურად, 22 მარტს, კამპანია „ლურჯი ნაკადულის" ფარგლებში, მუნიციპალიტეტების ჩართულობით მთელი ქვეყნის მასშტაბით დასუფთავების აქციებს ახორციელებს.

ინფორმაციაში აღნიშნულია, რომ დასუფთავების აქციები ქუთაისის 12-ვე ადმინისტრაციულ ერთეულში გაიმართა და მასში მერიის ყველა სტრუქტურული ერთეულის წარმომადგენელმა მიიღო მონაწილეობა.

მათივე ცნობით, ქალაქის მერი იოსებ ხახალეიშვილი და მერის მოადგილე ირაკლი ქარქაშაძე მუხნარის ადმინისტრაციულ ერთეულში, საბავშვო ბაღის მიმდებარე ტერიტორიის დასუფთავებაში ჩაერთვნენ.

„წყლის რესურსები უმნიშვნელოვანესია ბუნებრივ რესურსთა შორის და საჭიროა ამ რესურსების სიფრთხილით და რაციონალურად გამოყენება, ასევე, მისი დაცვა დაბინძურებისგან. სამწუხაროდ, მტკნარი წყლის მარაგი დედამიწაზე ყოველწლიურად მცირდება. სწორედ ამიტომ ეწყობა მასშტაბური კამპანიები, რომელსაც ქუთაისის მუნიციპალიტეტიც უერთდება დასუფთავების აქციით. ეს ლოკალური აქციები საერთო ჯამში დიდ საქმეს ემსახურება“, - განაცხადა იოსებ ხახალეიშვილმა.

გაერთიანებული ერების ორგანიზაციის გენერალური ასამბლეის გადაწყვეტილებით, წყლის რესურსების დაცვის საერთაშორისო დღე 1993 წლიდან აღინიშნება.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა