აჭარის ფინანსთა და ეკონომიკის სამინისტროს შენობასთან გონიოში მცხოვრებთა ნაწილი საპროტესტო აქციას მართავს.

როგორც შეკრებილები აცხადებენ, იმ მიწის ნაკვეთების დაკანონებას ითხოვენ, რომლებსაც წლებია ამუშავებენ.

მათი თქმით, ყოფილი ხელისუფლების მმართველობის პერიოდში აღნიშნული მიწის ნაკვეთები ჯერ დაუკანონდათ, შემდეგ კი გაურკვეველი მიზეზებით ჩამოერთვათ.

„მრავალი წლის განმავლობაში მიმდინარე საპროტესტო აქციების შედეგად მოსახლეობის ნაწილმა დაიბრუნა მიწის ნაკვეთები, ნაწილი კი დღემდე ელოდება დანაპირების შესრულებას. 2012 წლიდან მომდევნო წლების საარჩევნო დანაპირები "ქართული ოცნების" მხრიდან იყო ის, რომ ყველას დაუბრუნდებოდა მიწის ნაკვეთები, თუმცა მოტყუებული ვრჩებით ყოველ ჯერზე“,- აცხადებენ აქციის მონაწილეები