გერმანიის ქალაქმა ბიბერახმა თელავს ჰუმანიტარული დახმარება გადასცა

თელავმა დამეგობრებული ქალაქ ბიბერახისგან ჰუმანიტარული დახმარება მიიღო. ამის შესახებ ინფორმაციას თელავის მერია ავრცელებს.

მათივე ინფორმაციით, სარეაბილიტაციო საწოლები თელავის მუნიციპალიტეტის მერიის ჯანმრთელობის დაცვისა და სოციალურ საკითხთა სამსახურს გადაეცა.

ამასთან, მუნიციპალიტეტის მასშტაბით არსებულ საბავშვო ბაღებში საწოლები, მაგიდები, სკამები და სათამაშოები გადანაწილდა. პროფესიულ კოლეჯ „პრესტიჟს“ აუდიტორიებში განსათავსებლად შესაბამისი ინვენტარი, სახანძრო-სამაშველო სამსახურს კი პირველადი დახმარების ნაკრებები გადაეცა.

„თელავს და ბიბერახს 30 წელზე მეტია მეგობრობა და მჭიდრო ურთიერთობები აკავშირებს ერთმანეთთან. ამის კიდევ ერთი დასტურია გერმანელი ხალხის კეთილი ნება, რომ აღნიშნული დამხმარება მიგვეღო. ინვენტარი, სათამაშოები, სარეაბილიტაციო საწოლები უკვე გადანაწილდა შესაბამის დაწესებულებებში“, - განაცხადა თელავის მუნიციპალიტეტის მერმა შოთა ნარეკლიშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით