აშშ-ის სახელმწიფო მდივანი - Nord Stream 2-ის გაზსადენის მშენებლობა ევროკავშირის უსაფრთხოების მიზნებს ეწინააღმდეგება

აშშ-ის სახელმწიფო მდივანი ენტონი ბლინკენი აცხადებს, რომ Nord Stream 2-ის გაზსადენის მშენებლობა ევროკავშირის ინტერესებს ეწინააღმდეგება.

„პრეზიდენტ ბაიდენს ძალიან მკაფიო პოზიცია აქვს. მას მიაჩნია, რომ მილსადენი ცუდი იდეაა, ცუდია ევროპისთვის, ცუდია შეერთებული შტატებისთვის, საბოლოო ჯამში ის ეწინააღმდეგება ევროკავშირის უსაფრთხოების მიზნებს”, - აღნიშნა ბლინკენმა ნატო-ს შტაბბინაში, ალიანსის გენერალურ მდივან იენს სტოლტენბერგთან გამართულ ერთობლივ ბრიფინგზე.

მისი თქმით, გაზსადენმა, შესაძლოა, შეარყიოს უკრაინის, პოლონეთისა და სხვა ახლო პარტნიორების ინტერესები.

„მას აქვს პოტენციალი, შეარყიოს უკრაინის, პოლონეთისა და სხვა ახლო პარტნიორების ინტერესები,“- განაცხადა ბლინკენმა და დასძინა, რომ აშშ-ის კანონმდებლობა ვაშინგტონს Nord Stream 2-ის პროექტში მონაწილე კომპანიებისთვის სანქციების დაწესებას აკისრებდა.

მისი თქმით, გერმანელ კოლეგასთან, ჰეიკო მაასთან შეხვედრასა და გაზსადენის მშენებლობის საკითხის განხილვას გეგმავს.

ცნობისათვის, ანალიტიკოსები აცხადებენ, რომ Nord Stream 2-ის მილსადენის დაახლოებით 95% უკვე აშენებულია და მშენებლობა, სავარაუდოდ, სექტემბრისთვის დასრულდება. შეერთებული შტატები შიშობს, რომ რუსეთმა Nord Stream 2, შეიძლება, მოსკოვზე დამოკიდებულების გაზრდის გზით ევროკავშირის ქვეყნების შესუსტების ბერკეტად გამოიყენოს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა