ქუთაისის მერიასა და საქართველოში ლტოლვილთა დანიის საბჭოს შორის მემორანდუმი გაფორმდა

ქუთაისის მერიასა და საქართველოში ლტოლვილთა დანიის საბჭოს შორის ურთიერთშეთანხმების მემორანდუმი გაფორმდა.

ამის შესახებ „ინტერპრესნიუსს“ ქუთაისის მერიიდან აცნობეს.

მათივე ინფორმაციით, პროექტის „ეკონომიკური მონაწილეობა, საცხოვრებლით უზრუნველყოფა და სოციალური ინფრასტრუქტურა იძულებით გადაადგილებულ პირთა და მასპინძელი თემებისათვის“ ფარგლებში, ქუთაისის მუნიციპალიტეტში, შერვაშიძის ქუჩა #53 აშენდება ახალი საბავშვო ბაგა-ბაღი და უზრუნველყოფილი იქნება შესაბამისი ინვენტარით.

ურთიერთშეთანხმების მემორანდუმს ხელი ქუთაისის მერმა იოსებ ხახალეიშვილმა და ლდს-ს საქართველოს წარმომადგენლობის დირექტორმა ვინსენტ დონტომ მოაწერეს.

„აქტიურად გრძელდება თანამშრომლობა საერთაშორისო დონორებთან. უბანში, სადაც აქამდე საერთოდ არ გვქონდა საბავშვო ბაგა-ბაღი, ახალი, თანამედროვე შენობა აშენდება, სტანდარტების შესაბამისი ინვენტარით. მადლობა მინდა ვუთხრა დევნილთა, შრომის, ჯანმრთელობისა და სოციალური დაცვის სამინისტროს, რომელმაც შეარჩია ქუთაისი ამ პროექტის განსახორციელებლად და ლტოლვილთა დანიის საბჭოს, რომელიც უზრუნველყოფს სამშენებლო სამუშაოებს“, - განაცხადა იოსებ ხახალეიშვილმა.

ქუთაისის მერიის ინფორმაციით, ახალი ბაგა-ბაღის მშენებლობა ერთ წელიწადში დასრულდება.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა