გუბერნატორის ინფორმაციით, გუდამაყრის ხეობაში, სადაც კლდოვანი ფერდობი ჩამოიშალა, ხვალ დილიდან გარემოს ეროვნული სააგენტოს თანამშრომლები ჩავლენ და ფაქტს შეისწავლიან

გუდამაყრის ადმინისტრაციულ ერთეულში, ოშპიტელი - გუდამაყრის საავტომობილო გზის მონაკვეთზე, სადაც უხვი ნალექის გამო კლდოვანი ფერდობი ჩამოიშალა, გზის გაწმენდით სამუშაოებს სავარაუდოდ, ხვალ დილიდან დაიწყებენ.

როგორც „ინტერპრესნიუსს“ სახელმწიფო რწმუნებულმა მცხეთა-მთიანეთის მხარეში დავით ნოზაძემ განუცხადა, დილიდან ადგილზე ელოდებიან ექსპერტებს, რომლებიც ჩამოშლილ მონაკვეთს შეისწავლიან და სწორედ მათი თანხმობისა და რეკომენდაციების გაცემის შემდეგ გზის გაწმენდაც დაიწყება.

მისივე განმარტებით, შემთხვევის გამო გუდამაყრის ადმინისტრაციულ ერთეულში 22 სოფლისკენ მიმავალი გზა ჩაიკეტა.

„არცერთი სოფელი დაზიანებული არ არის, უბრალოდ სოფლებისკენ მიმავალი გზა ჩაიკეტა, მოსახლეობას არანაირი პრობლემა არ აქვს, ვინმე რომ დაზიანებულიყო მსგავსი ფაქტი საბედნიეროდ არ ყოფილა.

რაც შეეხება მოსახლეობის საჭიროებებს, მუდმივ კომუნიკაციაშია ჩვენი წარმომადგენელი, ადგილობრივი რწმუნებული. რამდენიმე შემთხვევა იყო, როდესაც სხვა შემოვლითი გზით გადმოიყვანეს რამდენიმე მოქალაქე, ანუ ისინი, ვისაც აუცილებელი საჭიროება ჰქონდათ გზაზე გადმოსულიყო. მუდმივ კომუნიკაციაში ვართ, მოსახლეობას რაიმე განსაკუთრებული საჭიროება არ აქვს, ამ მხრივ მოთხოვნა არ გამოუთქვამთ. თუ რაიმეს საჭიროება იქნება მობილიზებულია სამაშველო და ყველა შესაბამისი სამსახური და მივაქცევთ ყურადღებას.

ხვალ, გამთენიიდან ჩამოვლენ გარემოს ეროვნული სამსახურის თანამშრომლები, შეისწავლიან ადგილს, რადგან მაინც იყო საშიშროება იმისა, რომ გარკვეული მასა ჩამოსულიყო. ამიტომ უნდა მოხდეს შესწავლა. სხვანაირად სამუშაოებს ვერ დავიწყებთ, თორემ მობილიზებული იყო ტექნიკა, რომელიც გზის გაწმენდით სამუშაოებს ემსახურება. ტენდერში გამარჯვებული კომპანიაა, რომელიც გვემსახურება. დილიდანვე მზადყოფნა იყო, თუმცა არ მისცეს თანხმობა, რომ დაეწყო გზის გაწმენდითი სამუშაოები“, - განაცხადა დავით ნოზაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა