უხვი ნალექისა და ძლიერი ყინვის გამო, მაღალი ძაბვის 110 კვ (საჰაერო) გადამცემი ხაზი დაზიანდა, რის შედეგადაც დაბა გუდაურს, ფასანაურს და მიმდებარე სოფლებს, ჭართალს,ხანდოს ხეობას, გუდამაყარს ელექტროენერგია არ მიეწოდება. ამის შესახებ „ინტერპრესნიუსს“ დუშეთის მუნიციპალიტეტიდან აცნობეს.

მხარის რწმუნებულის დავით ნოზაძის განცხადებით, პრობლემის აღმოსაფხვრელად, ელექტროენერგიის აღდგენით სამუშაოებს შესაბამისი სამსახურები დილის 06:00 საათიდან ახორციელებენ.