ლევან ბეჟაშვილის შეფასებით, ხელისუფლება იძულებული გახდება ვენეციის კომისიის დასკვნა გაითვალისწინოს

„ნაციონალური მოძრაობის” წევრის, ლევან ბეჟაშვილის შეფასებით, ხელისუფლება იძულებული გახდება ვენეციის კომისიის დასკვნა გაითვალისწინოს.

ბეჟაშვილის თქმით, იმ შემთხვევაში, თუ ხელისუფლება არ გაითვალისწინებს ვენეციის კომისიის შეფასებებს, კიდევ უფრო ნათლად გამოჩნდება მათი რეალური სახე.

„ვენეციის კომისიის დასკვნა არის სამართლიანი და პროფესიული. მან პრაქტიკულად ხაზი გადაუსვა „ქართული ოცნების” სურვილს, რომ „ნაციონალური მოძრაობის” დასასჯელად მომზადებული კანონპროექტი მოეღოთ, რომელიც ითვალისწინებდა უცხო ქვეყნის მოქალაქეობასთნ დაკავშირებით სანქციები დაეწესებინა პარტიისთვის და ასევე, საპარლამენტო სხდომების ბოიკოტირების გამო დაფინანსება შეეწყვიტა პარტიებისთვის. ცალსახად ითქვა, რომ ეს არის არადემოკრატიული კანონპროექტი, რომელიც დემოკრატიის განვითარებას არ შეუწყობს ხელს ქვეყანაში, ამიტომ, დარწმუნებული ვარ, რომ ეს კანონპროექტი დაბლოკილია და აღარ იქნება მიღებული.

ვენეციის კომისიაზე კომპეტენტური სამართლებრივ ნაწილში აღარ არსებობს ევროკავშირში, ამიტომ მათ მოუწევთ და იძულებული იქნებიან გაითვალისწინონ ეს დასკვნა. წინააღმდეგ შემთხვევაში, უფრო ნათლად გამოჩნდება მათი რეალური სახე, რისთვის აპირებენ ისინი ერთპარტიული პარლამენტის ფუნქციონირებას ქვეყანაში“, - განაცხადა ბეჟაშვილმა.

ცნობისთვის, ვენეციის კომისიისა და ეუთო/ოდირის დასკვნაში აღნიშნულია, რომ პოლიტიკური პარტიების და არა ცალკეული დეპუტატების სანქცირება დაფინანსების 6 თვით შეწყვეტის სახით იმ შემთხვევაში, თუ ისინი საპარლამენტო სხდომებისა და სესიების დიდ ნაწილს არ დაესწრებიან, არაპროპორციულად აღიქმება და წინააღმდეგობაში მოდის პარლამენტის რეგლამენტთან. როგორც კომისიის დასკვნაშია აღნიშნული, არაპროპორციულად აღიქმება საპარლამენტო რეგლამენტის შესწორების საკითხიც, რომელიც იმავე შემთხვევაში დეპუტატის ანაზღაურების დაქვითვას ითვალისწინებს.

ამასთან, ვენეციის კომისია ლიდერის უცხო ქვეყნის მოქალაქეობის გამო, პარტიის რეგისტრაციიდან მოხსნას „არაპროპორციულ ზომად“ მიიჩნევს და „ქართულ ოცნებას“ მიმართავს, კანონპროექტის მიღების საკითხს გადახედოს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა