სამოქალაქო მოძრაობა "შეცვალეს" წევრები ოკუპირებული აფხაზეთიდან საქართველოს ცენტრალური ხელისუფლების მიერ კონტროლირებად ტერიტორიაზე გადმოსული მოქალაქეებისთვის სავალდებულო 5-დღიანი კარანტინის გაუქმებას მოითხოვენ. ამ მოთხოვნით აქტივისტებმა საპროტესტო აქცია წალენჯიხის სოფელ ფახულანში გამართეს.
აქციის მონაწილეები აცხადებენ, რომ ხელისუფლების მიდგომა დისკრიმინაციულია და ამ გადაწყვეტილებით გალში მცხოვრებ ადამიანებს პრობლემები ექმნებათ.
„ალტერნატივად შეიძლება ხელისუფლებამ გამოიყენოს სწრაფი ტესტებით შემოწმება როგორც ეს ხდება საქართველოს დანარჩენი მოქალაქეებისთვის",- განცხადა აქციის ერთ-ერთმა მონაწილემ ოთო შენგელიამ.