ფოთის მერმა საფრანგეთის ელჩს დიეგო კოლასს უმასპინძლა
ქალაქ ფოთის მერი გოჩა კურდღელია საფრანგეთის ელჩს საქართველოში დიეგო კოლასს შეხვდა.
შეხვედრას ქალაქ ფოთის მერის მოადგილე პაატა ლაგვილავა, საფრანგეთის ელჩის მრჩეველი თანამშრომლობისა და კულტურის საკითხებში პიერ კლუე, საგანმანათლებლო სფეროს კოორდინატორი ქეთევან ქურციკიძე ესწრებოდნენ.
ფოთის მერიის ინფორმაციით, შეხვედრაზე ერთობლივი ღონისძიებების დაგეგმვაზე იმსჯელეს. ასევე, ფოთისა და საფრანგეთის ერთ-ერთ ქალაქთან დამეგობრების სურვილი გამოითქვა. შეხვედრაზე, ორი ქვეყნის კულტურულ ურთიერთობაზე გამახვილდა ყურადღება და ამ კუთხით, ალექსანდრე დიუმასა და ფოთის ქალაქისთავის ნიკო ნიკოლაძის როლზე ისაუბრეს.
მათივე ცნობით, ქალაქ ფოთის მერმა გოჩა კურდღელიამ ელჩს ფოთში მიმდინარე ინფრასტრუქტურული პროექტები გააცნო და მის, ტურისტულ პოტენციალზე ისაუბრა.
საფრანგეთის ელჩი საქართველოში დიეგო კოლასი ფოთში ასევე, გეგმავს ნიკო ნიკოლაძის კოშკსადა მე-5 საჯარო სკოლის მონახულებას.
v-if="article.gallery" v-html="article.gallery"
