სოფელ ქვახვრელში, სადაც მტკვრის ადიდების შედეგად წარმოქმნილ კუნძულზე მეორე დღეა მწყემსები და პირუტყვია ჩარჩენილი, სამაშველო ოპერაცია განახლდა

გორის მუნიციპალიტეტის სოფელ ქვახვრელში, სადაც მდინარე მტკვრის ადიდების შედეგად წარმოქმნილ კუნძულზე მეორე დღეა ადგილობრივი მწყემსები და პირუტყვია ჩარჩენილი, სამაშველო ოპერაცია განახლდა. მაშველები ცდილობენ, მდინარეში წარმოქმნილი კუნძულიდან პირუტყვი და მწყემსები გამოიყვანონ.

სოფელ ქვახვრელში მცხოვრები ექვსი მწყემსი და ასამდე სული პირუტყვი სოფლის განაპირას, მდინარის კალაპოტში არსებულ ფერდობზე იმყოფებოდნენ, რა დროსაც წყლის დონემ მკვეთრად მოიმატა და ადამიანებიც და პირუტყვიც აღნიშნულ კუნძულზე ჩარჩნენ.

სამაშველო ოპერაცია გუშინ დაიწყო და სპეციალური მცურავი საშუალებით, შსს-ს საგანგებო სიტუაციების მართვის სამსახურის თანამშრომლებმა 4 მწყემსის გამოყვანა შეძლეს, ორმა კი, აღნიშნულ კუნძულზე დარჩენა და პირუტყვის მეთვალყურეობა გადაწყვიტა. მაშველებმა, გუშინ, გვიან საღამოს მწყემსებისთვის კარავი გამართეს. ამჟამად, მწყემსები უსაფრთხოდ არიან.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს