დავით ზალკალიანი - საერთაშორისო თანამეგობრობის დღის წესრიგში, საქართველო პრიორიტეტულ საკითხებს შორისაა

საგარეო საქმეთა მინისტრის, დავით ზალკალიანის განცხადებით, საქართველო საერთაშორისო თანამეგობრობის დღის წესრიგში პრიორიტეტულ საკითხებს შორისაა.

ზალკალიანის განმარტებით, საქართველო საერთაშორისო, სტრატეგიული პარტნიორობისთვის, როგორც სტაბილურობის, ასევე უსაფრთხოების უზრუნველყოფის თვალსაზრისით მნიშვნელოვანია.

„ბრიუსელში, ნატო-ს მინისტერიალიაზე მოვისმინეთ ძალიან მკაფიო და პოზტიური შეფასებები ღია კარის პოლიტიკასთან მიმართებაში და ასევე მნიშვნელოვანია, რომ საერთაშორისო თანამეგობრობის დღის წესრიგში, საქართველო არის პრიორიტეტულ საკითხებს შორის, მათ შორის, ღია კარის პოლიტიკის კონტექსტში. ჩვენ ვიხილეთ ასევე, როგორც გენერალური მდივნის, ასევე ამერიკის შეერთებული შტატების ახალი სახელმწიფო მდივნის განცხადება საქართველოსთან დაკავშირებით, რომელიც მან გააკეთა ევროკავშირის უმაღლეს წარმოადგენელთან ერთად. ეს არის კიდევ ერთი დასტური იმისა, თუ რაოდენ მნიშვნელოვანია საქართველო ჩვენი საერთაშორისო, სტრატეგიული პარტნიორობისთვის, როგორც სტაბილურობის, ასევე უსაფრთხოების უზრუნველყოფის თვალსაზრისით და ნატო-სთან ინტეგრაციის კუთხით, კერძოდ, ღია კარის პოლიტიკის კონტექსტში“, - განაცხადა ზალკალიანმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით