პრემიერ-მინისტრმა „ალიანს ცენტროპოლისის" კომპლექსის მშენებლობა გახსნა

საქართველოს პრემიერ-მინისტრმა ირაკლი ღარიბაშვილმა, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან ერთად, ბათუმში, „ალიანს ცენტროპოლისის" კომპლექსის მშენებლობა გახსნა, რომლის დროსაც საძირკველში სიმბოლური კაფსულა ჩადეს.

მთავრობის ადმინისტრაციის ინფორმაციით, „ალიანს ჯგუფის" პროექტი „ალიანს ცენტროპოლისი" უნიკალური რეგიონული ჰაბია, რომელიც გლობალურ ბრენდებს აერთიანებს. რეგიონში პირველი, უმსხვილესი ღონისძიებების ორგანიზატორი ქსელის მსოფლიო სავაჭრო ცენტრის გარდა, პროექტი ასევე მოიცავს ხუთვარსკვლავიან სასტუმრო „ჰაიატ ცენტრიკს".

„ალიანს ჯგუფის პროექტში გაერთიანებული იქნება 10 000 კვ.მ სარეკრეაციო ზონა, 1000 ავტომობილზე გათვლილი 3-დონიანი მიწისქვეშა პარკინგი, საერთაშორისო სამზარეულოებით დაკომპლექტებული უმაღლესი კლასის რესტორნები და კვების ობიექტები, გასართობი ცენტრი, ბოულინგი, კინოთეატრი, სპა და გამაჯანსაღებელი სივრცეები, ფიტნესცენტრები, საცურაო აუზები და გასართობი ტურისტული სივრცეები.

„ალიანს ცენტროპოლისში" ასევე წარმოდგენილი იქნება აჭარაში პირველი A კლასის სავაჭრო ცენტრი, ბიზნესცენტრი, საგამოფენო ცენტრი და საინვესტიციო აპარტამენტები.

„ალიანს ცენტროპოლისი" ალიანს ჯგუფის მეხუთე მასშტაბური პროექტია. კომპანიამ სამშენებლო სამუშაოები გასულ წელს დაიწყო და აღსანიშნავია, რომ საქართველოში, პანდემიის პერიოდში, მსოფლიო სასტუმრო ბრენდი - „ჰაიატ ცენტრიკი" შემოვიდა.

„ალიანს ცენტროპოლისის" საინვესტიციო ღირებულება 380 მილიონი დოლარია და მშენებლობის პროცესში 2 ათასამდე სამუშაო ადგილი შეიქმნება, ხოლო პროექტის ექსპლუატაციაში მიღების შემდეგ, კომპანია 3 ათასამდე ადგილობრივს დაასაქმებს”, - ნათქვამია ინფორმაციაში, რომელსაც მთავრობის ადმინისტრაცია ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება