გორის მე-11 საბავშვო ბაღის მზარეულს კორონავირუსი დაუდასტურდა, რის გამოც ბაღის პერსონალი და აღსაზრდელები თვითიზოლაციაში გადავიდნენ

გეგმური ტესტირებისას, გორის მე-11 საბავშვო ბაღის მზარეულს კორონავირუსით ინფიცირება დაუდასტურდა. კოვიდინფექციის გავრცელების პრევენციის მიზნით, სააღმზრდელო დაწესებულება დღეიდან ფუნქციონირებას წყვეტს და საბავშვო ბაღის პერსონალი და აღსაზრდელები 12 დღით თვითიზოლაციაში გადავიდნენ.

კორონავირუსით ინფიცირების ფაქტები დაფიქსირდა გორის მუნიციპალიტეტის სოფელ კარალეთის მე-2 საჯარო სკოლაშიც. მიღებული რეკომენდაციის საფუძველზე, აღნიშნული სკოლა სწავლების დისტანციურ რეჟიმზე გადავიდა.

,,ამ დროისთვის, გორის მუნიციპალიტეტში ორი საჯარო სკოლაა გადასული სრულად დისტანციურ რეჟიმზე - კირბალის და კარალეთის მე-2 სკოლა, აღნიშნულის გარდა, რამდენიმე სკოლაში ცალკეული კლასებია გადაყვანილი სწავლების დისტანციურ რეჟიმზე", - აღნიშნა ,,ინტერპრესნიუსთან" გორის საგანმანათლებლო რესურსცენტრის დირექტორმა ნანა ტერმაკოზაშვილმა.

შეგახსენებთ, კოვიდ 19-ით ინფიცირების ფაქტების გამო, ქარელის და კასპის მუნიციპალიტეტებში, გუშინ კიდევ სამი სკოლა გადავიდა დისტანციურ სწავლებაზე.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს