ქუთაისში განსაკუთრებული სისასტიკით მოკლული 30 წლის ქალის მკვლელობაში ბრალდებული, შესაძლოა, გათავისუფლდეს.
გარდაცვლილის ოჯახის ადვოკატების ინფორმაციით, მიზეზი ის გარემოებაა, რომ ნაფიცი მსაჯულების შერჩევა ვერ მოხდა.
მათი თქმით, 18 აპრილს წინასწარი პატიმრობის 9-თვიანი ვადა გადის, ამ დრომდე კი ნაფიცი მსაჯულების მხოლოდ ნაწილია შერჩეული და თუ დანარჩენების შერჩევა ვერ მოესწრება, ბრალდებული გათავისუფლდება.
ოჯახის ადვოკატები მომხდარს სასამართლო სისტემის გაუმართაობას უკავშირებენ. როგორც ისინი აცხადებენ, დაკავებული არ არის საქართველოს მოქალაქე და გათავისუფლების შემთხვევაში, შესაძლოა, ქვეყანა დატოვოს.
მათი თქმით, თუ ბრალდებული საპატიმროს დატოვებს, გარდაცვლილის დედა თავის დაწვით იმუქრება.
მკვლელობა ქუთაისში 2020 წლის ივლისში მოხდა. 45 წლის ქალმა განსაკუთრებული სისასტიკით 32 წლის ქალი მოკლა. საქმეზე გამოძიება 109-ე მუხლით დაიწყო.