ლიეტუვის ელჩი დუშეთის მუნიციპალიტეტს ეწვია

დუშეთის მუნიციპალიტეტს საქართველოში ლიეტუვის ელჩი ანდრიუს კალინდრა ეწვია და მუნიციპალიტეტის მერთან ზურაბ სეხნიაშვილთან გაცნობითი შეხვედრა გამართა. ამის შესახებ „ინტერპრესნიუსს“ დუშეთის მუნიციპალიტეტიდან აცნობეს.

მათივე ინფორმაციით, დუშეთის მუნიციპალიტეტის მერმა ზურაბ სეხნიაშვილმა, მერის მოადგილემ ბესიკ ბიჩნიგაურმა და მუნიციპალიტეტის საკრებულოს თავმჯდომარემ გიორგი ინაშვილმა ელჩს მიმდინარე პროექტების შესახებ მიაწოდეს ინფორმაცია. ასევე, ისაუბრეს დუშეთის მუნიციპალიტეტში ინვესტიციების განხორციელების შესაძლებლობებზე და სამომავლო პერსპექტივები განიხილეს.

ლიეტუვის საელჩოსა და დუშეთის მუნიციპალიტეტს შორის თანამშრომლობა რამდენიმე წელს ითვლის. ლიეტუვის რესპუბლიკის ორ მუნიციპალიტეტთან - შაკიაიასთან და პრიენაისთან, დუშეთის მუნიციპალიტეტს ოფიციალური თანამშრომლობის მემორანდუმი აქვს გაფორმებული. მეგობრობისა და თანამშრომლობის მემორანდუმი მოიცავს კულტურას, განათლებას, სპორტს, ტურიზმს, ბიზნესს და სხვა.

აღსანიშნავია, რომ 2017 წელს დუშეთში დაარსდა ლიეტუვური კულტურის ცენტრი.

მუნიციპალიტეტში ჩატარდა არაერთი კულტურული ღონისძიება რომელიც ლიეტუვის მხარემ წარმოადგინა: ფოტო და სამხატვრო გამოფენები, კონცერტები და შემოქმედებითი სემინარები. მიმდინარე წლის ზაფხულში დაგეგმილია ლიეტუვური ფოლკლორული კონცერტი დუშეთში.

საელჩოსა და დუშეთის მუნიციპალიტეტს შორის თანამშრომლობა გრძელდება.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა