აჭარის ჯანდაცვის მინისტრის, ნინო ნიჟარაძის განცხადებით, აჭარაში 65 წელს გადაცილებულ 10 პირს კორონავირუსის საწინააღმდეგო ვაქცინა ჩაუტარდა.

ნინო ნიჟარაძის თქმით, „ასტრაზენეკასა" და „ფაიზერის" ვაქცინებზე 300-მდე ჯავშანი არის გაკეთებული.

ამასთან, მინისტრის თქმით, რეგიონში ეპიდემიოლოგიური სიტუცია სტაბილურია.

„ტემპი შედარებით მომატებულია. ჩვენ გვაქვს მოლოდინი იმისა, რომ მოსახლეობის მომართვიანობა და დაინტერესება უფრო მაღალი იქნება.

აჭარაში სტაბილური ეპიდემიოლოგიური სიტუაცია გვაქვს, ერთი-ორი დღე მატების შედარებით მცირე ტემპი გვქონდა.

ვალდებული ვართ ისევ ვატაროთ პირბადე და დავიცვათ სოციალური დისტანცია.

ჯამში, 421 პირია აცრილი, მათ შორის 10 არის 65 წელს გადაცილებული. ჯავშანი ორივე ვაცინაზე 300-მდე არის გაკეთებული",- განაცხადა ნინო ნიჟარაძემ.