ბათუმში ავტოსაგზაო შემთხვევის შედეგად ორი ადამიანი დაშავდა. როგორც „ინტერპრესნიუსს" სასწრაფო-სამედიცინო დახმარების ცენტრში განუცხადეს, დაშავებულები ბათუმის რესპუბლიკურ საავადმყოფოსა და კლინიკა „ბრაზერში" გადაიყვანეს.
დაშავებულების ჯანმრთელობის მდგომარეობა ჯერჯერობით უცნობია.
შემთხვევა ბათუმში, შარტავას ქუჩაზე მოხდა, სადაც ორი მსუბუქი ავტომობილი ერთმანეთს შეეჯახა.
ადგილზე სამართალდამცავები არიან მობილიზებული.