ბათუმის მე-14 სკოლის დირექტორსა და მოადგილეს კორონავირუსი დაუდასტურდა. მათ, ვირუსი გეგმური კვლევის დროს გამოუვლინდათ.
ინფიცირებული დირექტორი და მოადგილე 12 დღის განმავლობაში თვითიზოლაციაში იქნებიან.
როგორც „ინტერპრესნიუსს“ აჭარის საზოგადოებრივი ჯანდაცვის ცენტრში განუცხადეს, სკოლაში ეპიდემიოლოგები ღრმა კვლევას ჩაატარებენ.
„რისკების შეფასების შემდეგ სკოლის ონლაინ რეჟიმში შესაძლო გადასვლასთან დაკავშირებით ორშაბათს გახდება ცნობილი“, - განაცხადეს უწყებაში.