მიანმარში საპროტესტო აქციებს კიდევ 16 ადამიანის სიცოცხლე ემსხვერპლა

მიანმარის უსაფრთხოების ძალების წარმომადგენლებმა საპროტესტო აქციების კიდევ 16 მონაწილე მოკლეს, - ამის შესახებ ინფორმაციას მედია საშუალებები თვითმხილველებზე დაყრდნობით ავრცელებენ. მათივე ინფორმაციით, მომიტინგეები, რომლებიც 1-ელი თებერვლის სამხედრო გადატრიალებას აპროტესტებენ, დღეს იანგონში, მანდალაისა და სხვა ქალაქების ქუჩებში გამოვიდნენ.

აღსანიშნავია, რომ ქვეყნის გენერლები დღეს „შეიარაღებული ძალების დღეს“ აღნიშნავენ. ამ დღესთან დაკავშირებით გავრცელებულ სატელევიზიო მიმართვაში სამხედრო გენერალმა მინ ან ჰლაინმა განაცხადა, რომ სამხედროები ქვეყანაში დემოკრატიას და ადამიანებს იცავენ და მშვიდობიანობის აღდგენას ცდილობენ. მან კიდევ ერთხელ გაიმეორა, რომ ქვეყანაში ხელახალი არჩევნები ჩატარდება, თუმცა არჩევნების ჩატარების თარიღი არ დაუსახელებია.

აქტივისტების ჯგუფი პოლიტპატიმრების დახმარების ასოციაცია (AAPP) აცხადებს, რომ მიანმარში მიმდინარე საპროტესტო აქციების დროს მინიმუმ 328 ადამიანია მოკლული.

ცნობისათვის, აშშ-მა და ევროკავშირმა მიანმარში სამხედრო გადატრიალებასთან დაკავშირებულ პირებს სანქციები დაუწესეს. ევროკავშირმა სამხედრო გენერალს, მინ ან ჰლაინს, 9 სამხედრო ოფიცერსა და საარჩევნო კომისიის ხელმძღვანელს აქტივები გაუყინა და სავიზო შეზღუდვები დაუწესა.

აშშ-ის სახაზინო დეპარტამენტმა კი სანქციები დაუწესა მიანმარის პოლიციის უფროსსა და არმიის სპეციალური ოპერაციების ხელმძღვანელს. მათი განცხადებით, ისინი პასუხისმგებლები იყვნენ დემონსტრანტების წინააღმდეგ ძალის გამოყენებაზე, რასაც ლეტალური შედეგები მოჰყვა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა