რუსთავში, ავტოსაგზაო შემთხვევის შედეგად ახალგაზრდა ქალი და მამაკაცი დაშავდა. შემთხვევა ცოტა ხნის წინ ქალაქის სასაფლაოს მიმდებარე ტერიტორიაზე მოხდა. ერთმანეთს "ფორდის" მარკის მიკროავტობუსი და "მერსედესის" მარკის ჯიპი შეეჯახა, რა დროსაც ჯიპი ამოტრიალდა, შედეგად ახალგაზრდა ქალმა და მამაკაცმა დაზიანებები მიიღეს.
ისინი სასწრაფო სამედიცინო დახმარების ბრიგადამ ქალაქის ცენტრალურ საავადმყოფოში გადაიყვანა. როგორც "ინტერპრესნიუსს კლინიკაში განუცხადეს, ამ დროისთვის მათ გამოკვლევები უტარდებათ.