ანრი ოხანაშვილი - საკითხის წამოწევა, რომ სააკაშვილი უნდა ჩაერთოს მოლაპარაკებებში, ადასტურებს, რომ პარტიის რეალური თავმჯდომარე მსჯავრდებული სააკაშვილია და არა ნიკანორ მელია

„ქართული ოცნების“ წევრის ანრი ოხანაშვილის განცხადებით, საკითხის წამოწევა, რომ მოლაპარაკების პროცესში მიხეილ საააკშვილი უნდა ჩაერთოს, ადასტურებს, რომ „ნაციონალური მოძრაობის“ რეალური თავმჯდომარე არა ნიკა მელია, არამედ სააკაშვილია.

ამასთან, როგოც ოხანაშვილმა ჟურნალისტებს განუცხადა, გამომდინარე იქიდან, რომ მიხეილ სააკაშვილი მსჯავრდებულია, დიალოგში მისი მონაწილეობა დიპლომატების შეურაცხყოფაა.

„საკითხის წამოწევა, რომ სააკაშვილი უნდა ჩაერთოს მოლაპარაკების პროცესში, ასევე პოზიციები მათი პარტიის მხრიდან და განცხდებები საქართველოს გარეთ, კიდევ ერთხელ ადასტურებს ჩვენს პოზიციას, რომ პარტიის რეალური თავმჯდომარე მსჯავრდებული სააკაშვილია და არა ნიკანორ მელია. ამით სააკაშვილის და მელიას თანაპარტიელები ადასტურებენ იმას, რომ ფარსი იყო მელიას არჩევა და რეალური თავმჯდომარე არის სააკაშილი. თვითონაც გაურკვევლობაში არიან, ვისზე უნდა იყოს მოლაპარაკება.

ამასთანავე, საკითხის წამოწევა, რომ სააკაშვილი უნდა ჩაერთოს მოლაპარაკებებში, ვფიქრობ, პირველ რიგში, მოლაპარაკების მაგიდასთან მყოფი ევროპელი და ამერიკელი პარტნიორების შეურაცხყოფაა. სააკაშვილი მსჯავრდებულია საქარველოში და მეორე მხრივ, იგი ამხილა ადამიანის უფლებათა ევროპულმა სასამართლომ სისტემური დანაშაულის ორგანზიებაში“,- განაცხადა ოხანაშვილმა.

ცნობისთვის, ევროპარლამენტარი ანდრიუს კუბილიუსი მიიჩნევს, რომ პრობლემის მოგვარებისთვის უფრო ეფექტიანი იქნება, თუ ევროპელი დიპლომატი კრისტიან დანიელსონი დაელაპარაკება რეალურ ლიდერებს, რომლებიც დღემდე მოლაპარაკებებში არ მონაწილეობენ.

„გაცილებით ეფექტური იქნება, თუ არაფორმალური ლიდერები, რომლებიც აცხადებენ, რომ ლიდერები არ არიან, მაგრამ პოლიტიკური და ფსიქოლოგიური თვალსაზრისით კვლავ ლიდერები არიან მათი პოლიტიკური პარტიების, მათ აიღონ პასუხისმგებლობა და მონაწილეობა მიიღონ მოლაპარაკებებში, რათა ღიად განაცხადონ თავიანთი ხედვები, რისი მიღწევა სურთ. მზად არიან თუ არა კომპრომისისთვის. მზად არიან თუ არა პრობლემის მოგვარებისთვის", - თქვა კუბილიუსმა "ფორმულას" ეთერში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს