ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 92-ე კმ-ზე (სოფ. დიზი) მონაკვეთზე, ავტოტრანსპორტის მოძრაობა ორმხრივ რეჟიმში აღდგა. ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი ავრცელებს.
მათივე ცნობით, აღნიშნულ მონაკვეთზე 26 მარტს, გამთენიას მეწყერი ჩამოწვა, რის გამოც ყველა სახის ავტოტრანსპორტის მოძრაობა აკრძალული იყო, ჩატარებული სამუშაოების შემდეგ საღამოს ცალმხრივ რეჟიმში მოძრაობის აღდგენა შესაძლებელი გახდა.