„ჯორჯიან უოთერ ენდ ფაუერი“ სპეციალურ განცხადებას ავრცელებს

28 მარტს, „ჯორჯიან უოთერ ენდ ფაუერი“, საბურთალოს რაიონში, ფარნავაზ მეფის გამზირზე, მაგისტრალური წყალსადენის დაზიანებულ მონაკვეთზე აღდგენით სამუშაოებს ატარებს.

როგორც „ინტერპრესნიუსს“ „ჯორჯიან უოთერ ენდ ფაუერიდან“ აცნობეს, რთული ტექნიკური სამუშაოები მთელი ღამის განმავლობაში მიმდინარეობდა და ამ ეტაპზე ინტენსიურ რეჟიმში გრძელდება.

„აღნიშნულთან დაკავშირებით დღეს, 28 მარტს, ღამის 12:00 საათამდე წყალმომარაგება შეზღუდული აქვს:

ვაკე-საბურთალოს რაიონში, ვაჟა-ფშაველას I - VII კვარტლებს, ვაჟა-ფშაველას და ყაზბეგის გამზირების ნაწილს, ქავთარაძის, ნუცუბიძის, ასათიანის, ბუდაპეშტის და ლვოვის ქუჩების ნაწილს, დელისის, პიკასოს, შავგულიძის, ანჯაფარიძის, მაღალაშვილის, გელოვანის, დოლიძის, ამაღლობელის და მიმდებარე ქუჩებს.

ნუცუბიძის I, II, IV, V მ/რ-ებს, პოლიტკოვსკაიას, იოსელიანის, ფერმწერის, თვალჭრელიძის და მიმდებარე ქუჩებს. წყნეთის გზატკეცილს, თხინვალას, ზაჰესის და ავჭალის დასახლებების ნაწილს.

სოფელ დიღომში: გიორგი ბრწყინვალეს, აღმაშენებლის, ხანძთელის, უგრელიძის, ანდრონიკაშვილის, შერმადინის, ხატაეთის და მიმდებარე ქუჩებს. სოფელ ძველ ვეძისს და დიღომი 7-ს.

ჯორჯიან უოთერ ენდ ფაუერი შექმნილი დისკომფორტისთვის ბოდიშს უხდის მომხმარებლებს“, - აღნიშნულია ინფორმაციაში.

ამასთან, წყალმომარაგების შეზღუდვისა და აღდგენის შესახებ ინფორმაციას, "ჯორჯიან უოთერ ენდ ფაუერი" აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, "ფეისბუქისა" და ვებგვერდის მეშვეობით - http://www.gwp.ge.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს