ლაგოდეხის მუნიციპალიტეტში, ავტოსაგზაო შემთხვევის შედეგად, 3 ადამიანი დაშავდა
ლაგოდეხის მუნიციპალიტეტში, ავტოსაგზაო შემთხვევის შედეგად, 3 ადამიანი დაშავდა. შემთხვევა სოფელ კავშირში მოხდა.
არსებული ინფორმაციით, Mercedes-ის მარკის ავტომობილის მძღოლმა საჭე ვერ დაიმორჩილა და საგზაო სამსახურის თანამშრომელს დაეჯახა, რომელიც ინფრასტრუქტურულ სამუშაოებს ასრულებდა. მისი ჯანმრთელობის მდგომარეობა მძიმეა.
რაც შეეხება დანარჩენ ორ მგზავრს, რომლებიც ავტომობილში იმყოფებოდნენ, მათი მდგომარეობა დამაკმაყოფილებელია.
დაშავებულები ლაგოდეხის "არქიმედეს" კლინიკაში არიან მოთავსებული.
შემთხვევის ადგილზე ექსპერტ-კრიმინალისტები მუშაობენ.
