ალუდა ღუდუშაური - „ქართული ოცნება“ ამჯერადაც სახელმწიფო ინტერესებიდან გამომდინარე მოქმედებს - ყველა ჩვენი ნაბიჯი დაფუძნებულია სამართლიანობის პრინციპიდან გამომდინარე

საპარლამენტო უმრავლესობის წევრის, ალუდა ღუდუშაურის განცხადებით, ხელისუფლებასა და ოპოზიციას შორის შეთანხმების მისაღწევად, ოპოზიციური სპექტრის მხრიდან ამ დრომდე კომპრომისი არ ყოფილა. როგორც მან ჟურნალისტებს განუცხადა, „ქართული ოცნება“ ამჯერადაც სახელმწიფო ინტერესებიდან გამომდინარე მოქმედებს და გადადგმული ყველა ნაბიჯი სამართლიანობის პრინციპზეა დაფუძნებული.

„იცით, რომ მოლაპარაკებები ჯერ არ დაწყებულა. ჩვენი ევროპელი და დასავლელი პარტნორები ძალისხმევას არ იშურებენ იმისთვის, რომ მხარეებმა შეთანხმებას მიაღწიონ. შეთანხმება უაღრესად მნიშვნელოვანია ჩვენი ქვეყნისა და საზოგადოებისთვის. ამიტომ, ოპოზიციას თუ ჰგონია, რომ ეს შეთანხმება მნიშვნელოვანია მხოლოდ „ქართული ოცნებისთვის“, ეს ასე არ არის. „ქართული ოცნება“ ამჯერადაც სახელმწიფო ინტერესებიდან გამომდინარე მოქმედებს. ყველა ჩვენი ნაბიჯი დაფუძნებულია სამართლიანობის პრინციპიდან გამომდინარე“,-განაცხადა ღუდუშაურმა.

მან იმედი გამოთქვა, რომ ოპოზიცია სახელმწიფოებრივად იაზროვნებს.

„ჩვენ, როგორც პასუხისმგებლობით სავსე პოლიტიკური ძალა, მზად ვართ ვისაუბროთ ყველა საკითხზე, რომელიც ჩვენი ქვეყნისთვის, საზოგადოებისთვის არის მნიშვნელოვანი. ჩვენი ნაბიჯები აუცილებლად სამართლიანობის პრინციპზე დაფუძნებული იქნება. ყველაფერი, რასაც აქამდე ვისმენდით კომპრომისად, ეს იყო „ქართული ოცნების“ მხრიდან გადადგმული. სამწუხაროდ, მეორე მხრიდან კომპრომისი საერთოდ არ ყოფილა. ამდენად, ვფიქრობ, ოპოზიციური ძალები პასუხისმგებლობას გამოიჩენენ. დემოკრატია გულისხმობს იმას, რომ ოპოზიციასაც ანიჭებს პასუხისმგებლობას, რა თქმა უნდა, პასუხისმგებლობა მომეტებულად არის ხელისუფლების მხარეს, ამიტომ, როდესაც „ქართული ოცნება“ კომპრომისზე ვსაუბრობთ, ყველა იმ საკითხზე გვაქვს ხელშესახები მიდგომა, რომელსაც ჩვენი დასასვლელი პარტნიორები და საზოგადოება ელოდება“,-განაცხადა ღუდუშაურმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო