აჭარაში კორონავირუსის საწინააღმდეგო „ასტრაზენეკას“ ვაქცინა 450-მდე პირს აქვს გაკეთებული. როგორც აჭარის ჯანდაცვის სამინისტროში აცხადებენ, ხვალინდან რეგიონში „ფაიზერით“ ვაქცინაცია იწყება.

უწყების ინფორმაციით, ჯავშანი „ფაიზერის“ ჩატარების მიზნით 1300-ზე მეტია, ხოლო „ასტრაზენეკას“ გასაკეთებლად 39 ჯავშანია.

აჭარაში გასული 24 საათის განმავლობაში, კორონავირუსის 21 ახალი შემთხვევა გამოვლინდა.

კრიტიკულად მძიმედ ერთი პაციენტი რჩება, იგი მართვით სუნთქვაზე ბათუმის რესპუბლიკურ საავადმყოფოშია მოთავსებული.