ქობულეთის მუნიციპალიტეტის სოფელ ლეღვას და ბათუმის მე-14 საჯარო სკოლებში სასწავლო პროცესი სრულად დისტაცნიურ რეჟიმზე გადავიდა.
ამასთან, კორონავირუსის გამო ხელვაჩაურის მეორე საბავშვო ბაღში სააღმზრდელო პროცესი შეწყდა.
როგორც აჭარის ჯანდაცის სამინისტროში „ინტერპრესნიუსს“ განუცხადეს, აჭარის მასშტაბით 13 კლასი დისტანციურ რეჟიმში სწავლობს, აქედან 6 კლასია ბათუმის სხხვადასხვა სკოლიდან.
უწყების ინფორმაციით, კორონავირუსი ბათუმის მე-14 საჯარო სკოლაში დირექტორსა და მის მოადგილეს, ხოლო სოფელ ლეღვაში მასწავლებელსა და მოსწავლეს დაუდასტურდა.
სასწავლო პროცესების შეწყვეტის გადაწყვეტილება ეპიდემიოლოგიურმა ჯგუფმა შესწავლის შემდეგ მიიღო.