„ადამიანის უფლებათა ცენტრის“ ახალი ვებ-გვერდი http://www.hrc.ge/ ამოქმედდა, რომელიც თანამედროვე საიტის სტანდარტებს სრულად აკმაყოფილებს.

როგორც „ინტერპრესნიუსს“ „ადამიანის უფლებათა ცენტრიდან“ აცნობეს, განახლებულ პლატფორმაზე ადამიანის უფლებათა ცენტრის სიახლეები, განცხადებები, მიმართვები, ანგარიშები, კვლევები, სტატიები, გამოცემები და სხვა აიტვირთება.

„საიტზე ასევე ხელმისაწვდომია სხვადასხვა სახის ინფორმაციის მოძიება ცენტრის საქმიანობაზე, მის გუნდზე, დონორებზე, მისიასა და ხედვაზე, წლიურ ანგარიშებზე, წარსულში განხორციელებულ საქმეებსა თუ პროექტებზე. საიტზე განთავსებული ინფორმაცია ხელმისაწვდომი იქნება როგორც ქართულ, ასევე ინგლისურ ენაზე. ვებ-გვერდი არის აბსოლუტურად მობილური, რაც საშუალებას მოგცემთ მოქნილად დაარეგულიროთ საიტზე განთავსებული ინფორმაცია თქვენი ტელეფონის ეკრანის ზომაზე“, - აღნიშნულია „ადამიანის უფლებათა ცენტრის“ მიერ გავრცელებულ ინფორმაციაში.

განახლებული საიტი ხელმისაწვდომი მიმდინარე წლის 20 მარტიდანაა.