პირველად საქართველოში, “თეგეტა მოტორსმა” ჰიბრიდული ავტომობილებისთვის Shell Helix-ის ძრავის ზეთები შემოიტანა.
როგორც „ინტერპრესნიუსს“ კომპანიის პრესსამსახურიდან აცნობეს, პროდუქტი პრემიუმ ხარისხით გამოირჩევა, რადგანაც Shell PurePlus-ის ტექნოლოგიას იყენებს, დამზადებულია ბუნებრივი აირისგან, აქვს ანტიოქსიდაციური თვისებები, რაც ჰიბრიდული ძრავის უფრო მეტ დაცვას უზრუნველყოფს.
„უნდა აღინიშნოს, რომ Shell Helix Hybrid უზრუნველყოფს 3% -ით მეტ საწვავის ეკონომიას და ნაკლებად გამოყოფს ნახშირორჟანგს.
გლობალური საკონსულტაციო და კვლევითი კომპანია Kline & Company-ს 2020 წლის კვლევის შედეგად, საცხებ-საპოხი მასალების მომწოდებელთა შორის Shell-ი ნომერ პირველ მომწოდებლად დაასახელა. კომპანია Shell-ი 14 წელია ინარჩუნებს ლიდერის სტატუსს, როგორც საცხებ-საპოხი მასალების მთავარი მომწოდებელი კომერციული და მსუბუქი ავტოტრანსპორტისთვის.„თეგეტა მოტორსი“ Shell-ის საცხებ-საპოხი მასალების ექსკლუზიური დილერია საქართველოში“,-აღნიშნულია კომპანია „თეგეტა მოტორსის“ მიერ გავრცელებულ ინფორმაციაში.