“ფაიზერით“ ვაქცინაციას ბათუმის რესპუბლიკური საავადმყოფო განახორციელებს, „ასრაზენეკათი“ ვაქცინაცია კი მედცენტრში გაგრძელდება, - ამის შესახებ აჭარის ჯანდაცვის მინისტრმა ნინო ნიჟარაძემ განაცხადა.
მისი თქმით, ამ დროისათვის აჭარაში "ასტრაზენეკას" ვაქცინა 470-მდე პირმა ჩაიტარა.
„ორი კვირა სრულად დაჯავშნილია, 1300 - მდე დოზაზეა საუბარი. დღეის მგომარეობით 470 ზე მეტი პირია აცრილი „ასტრაზენეკათი“, აქედან დღეს - 0, პროცესი გრძელდება. მოსახლეობის ინტერესი „ფაიზერთან“ მიმართებაში მეტია.
რაც შეეხება ეპიდვითარებას, საყურადღებოა. არის დღეები, როცა მცირედი მატება ფიქსირდება. მხოლოდ ორი სკოლაა დახურული და სასწავლო პროცესი ონლაინრეჟიმში გრძელდება.
თითოეულ მოქალაქეს ვურჩევთ წესების დაცვას, ეს მდგომარეობა გვექნება, ვიდრე მოსახლეობის სულ ცოტა 60 პროცენტს არ ავცრით", - განაცხადა ნინო ნიჟარაძემ.