რუსთავის ფოლკლორის სკოლას ახალი მუსიკალური ინსტრუმენტები შეემატა. როგორც „ინტერპრესნიუსს“ რუსთავის მუნიციპალიტეტის მერიიდან აცნობეს, მუსიკალური ინსტრუმენტები ფოლკლორის სკოლისთვის სახელოვნებო, სპორტისა და ახალგაზრდობის განვითარების ცენტრმა შეიძინა.
„სამუსიკო სკოლას, დღეს რუსთავის მერი ირაკლი ტაბაღუა, მერის მოადგილე კახა გურულთან, სახელოვნებო, სპორტისა და ახალგაზრდობის განვითარების ცენტრის დირექტორ დავით შანიძესთან ერთად ეწვია და ორი ახალი ელექტროპიანინო გადასცა.
როგორც რუსთავის მერმა ირაკლი ტაბაღუამ განაცხადა, დაგეგმილია ფოლკლორის სკოლის სარეაბილიტაციო სამუშაოები. პროექტის შესყიდვაზე ელექტრონულ ტენდერს, სახელოვნებო, სპორტისა და ახალგაზრდობის განვითარების ცენტრი უახლოეს პერიოდში გამოაცხადებს“, - აღნიშნულია ინფორმაციაში.