ქალაქ ბოლნისში ზრდასრულთა განათლების ცენტრი გაიხსნება

ბოლნისის მუნიციპალიტეტის მერმა დავით შერაზადიშვილმა, პირველ მოადგილე ბუბა გობეჯიშვილთან ერთად დღეს ბოლნისის ზრდასრულთა განათლების ცენტრი მოინახულა და ცენტრის გახსნისთვის მოსამზადებელ სამუშაოებს ადგილზე გაეცნო. ამის შესახებ ინფორმაციას ბოლნისის მუნიციპალიტეტის მერია ავრცელებს.

მათი ინფორმაციით, ცენტრის დირექტორმა ირმა ზურაბაშვილმა დავით შერაზადიშვილსა და ბუბა გობეჯიშვილს ზრდასრულთა განათლების ცენტრის მომავალი გეგმების შესახებ დეტალური ინფორმაცია მიაწოდა.

როგორც ინფორმაციაშია აღნიშნული, ზრდასრულთა განათლების ცენტრი DVV International-ის დაფინანსებითა და მხარდაჭერით შეიქმნა. ცენტრის კონცეფცია გერმანულ მოდელს ეყრდნობა. ბოლნისის ზრდასრულთა განათლების ცენტრი მსმენელებს 16 სხვადასხვა სასწავლო კურსს სთავაზობს.

ასევე, როგორც გავრცელებულ ინფორმაციაში წერია, ბოლნისის ზრდასრულთა განათლების ცენტრი ფუნქციონირებას უახლოეს მომავალში დაიწყებს. მსმენელების მიღება სასწავლო კურსებზე უკვე დაწყებულია.

მსგავსი ცენტრები წარმატებით ფუნქციონირებს გერმანიის ფედერაციულ რესპუბლიკაში, რომელთა მიზანიც არაფორმალური განათლების ხელშეწყობა და განვითარებაა.

„დღეს ბოლნისის ზრდასრულთა განათლების ცენტრი მოვინახულეთ, რომლის კონცეფცია გერმანულ მოდელს ეყრდნობა. მოხარული ვარ, რომ სასწავლო ცენტრი ადგილობრივ თვითმმართველობასთან თანამშრომლობის შედეგად გაიხსნება. ჩვენ დიდ ყურადღებას ვაქცევთ განათლების მიმართულებას და ამ მხრივ საერთაშორისო ორგანიზაციებთანაც ვაწარმოებთ მოლაპარაკებებს. ვფიქრობ, განსაკუთრებით მნიშვნელოვანია, რომ ბოლნისის მუნიციპალიტეტში მცხოვრებ ზრდასრულ მოქალაქეებს შესაძლებლობა ექნებათ სხვადასხვა პროფესიას დაეუფლონ, რაც ჩვენს მუნიციპალიტეტში დასაქმების სფეროს კიდევ უფრო კონკურენტუნარიანს გახდის. ბოლნისის ზრდასრულთა განათლების ცენტრს წარმატებებს ვუსურვებ. მუნიციპალიტეტი ცენტრს გვერდში ყოველთვის დაუდგება და მის განვითარებას ხელს აქტიურად შეუწყობს“, - განაცხადა ბოლნისის მუნიციპალიტეტის მერმა დავით შერაზადიშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა