სუეცის არხში მოძრაობა ჩვეულ რიტმში აღდგა - ამ ინფორმაციას სუეცია არხის ადმინისტრაცია ავრცელებს.
მათი თქმით, კონტეინერმზიდი ხომალდი Ever Given მეჩეჩიდან საბოლოოდ გაიყვანეს და სხვა გემებს არხში გავლა დაბრკოლების გარეშე შეუძლიათ.
ცნობისთვის, კონტეინერების გადამტანი ხომალდი მეჩეჩიდან რამდენიმე საათის წინ ნაწილობრივ გაიყვანეს, თუმცა ძლიერი ქარის გამო, ხომალდი არხის ნაპირზე არსებულ სილაში მეორედ ჩაეფლო. პანამის დროშის ქვეშ მცურავი Ever Given ტაივანში მოქმედ კომპანიას ეკუთვნის. გემმა, სავარაუდოდ, უამინდობის ან ტექნიკური გაუმართაობის გამო, 23 მარტს სუეცის არხში შესვლის შემდეგ მართვა დაკარგა და ისეთ პოზიციაში აღმოჩნდა, რომ სხვა გემებისთვისაც სრულად გადაკეტა მიმოსვლა.
