თბილისის სახელმწიფო სამედიცინო უნივერსიტეტში ონლაინ „ღია კარის დღე“ გაიმართება

24 აპრილს, 13:00 საათზე, თბილისის სახელმწიფო სამედიცინო უნივერსიტეტი აბიტურიენტებისთვის ,,ღია კარის დღეს“ გამართავს. შეხვედრა დისტანციურად, ონლაინ-პლატფორმა „Zoom“-ით ჩატარდება. ამის შესახებ „ინტერპრესნიუსს“ თსსუ-დან აცნობეს.

მათივე ინფორმაციით, თსსუ-ის რექტორი და ფაკულტეტების დეკანები უნივერსიტეტში არსებულ საბაკალავრო და ერთსაფეხურიან პროგრამებზე დეტალურ ინფორმაციას წარადგენენ. ასევე, ჩარიცხვის მოთხოვნებსა და საჭირო პროცედურებზე.

„შეხვედრაზე, უნივერსიტეტში მიმდინარე აკადემიურ პროცესთან, საერთაშორისო ურთიერთობებსა და სტუდენტურ ცხოვრებასთან დაკავშირებით ინფორმაციას გაეცნობიან.

აბიტურიენტებს შესაძლებლობა ექნებათ, წინასწარ გამოაგზავნონ კითხვები ელექტრონულ ფოსტაზე ask@tsmu.edu, ან ღია კარის დღის მსვლელობისას კომენტარის სახით დატოვონ ისინი და პირდაპირი ეთერის რეჟიმში მიიღონ ამომწურავი პასუხები მათთვის საინტერესო საკითხებთან დაკავშირებით.

ღონისძიებაზე დასასწრებად საჭიროა წინასწარი რეგისტრაცია: https://forms.gle/XsgBq5VeNWoXE3a76. რეგისტრაცია დაიწყო 30 მარტიდან, მონაწილეთა რაოდენობა შეზღუდულია”,- ნათქვამია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს