ზუგდიდში, ქვეყნის დამოუკიდებლობის აღდგენისთვის ჩატარებული რეფერენდუმისა და ზვიად გამსახურდიას დაბადების დღე აღნიშნეს
ზუგდიდში, ქვეყნის დამოუკიდებლობის აღდგენისთვის ჩატარებული რეფერენდუმისა და ზვიად გამსახურდიას დაბადების დღე აღნიშნეს. ამის შესახებ ინფორმაციას ზუგდიდის მუნიციპალიტეტის მერია ავრცელებს.
მათივე ცნობით, ადგილობრივი ხელისუფლების წარმომადგენლებმა, ზვიად გამსახურდიას ძეგლი გვირგვინით შეამკეს. ამის შესახებ ინფორმაციას ზუგდიდის მუნიციპალიტეტის მერია ავრცელებს.
ზუგდიდის მერიის ინფორმაციით, აღნიშნულ თარიღთან დაკავშირებით, მხატვრული პერფორმანსიც მოეწყო.
„31 მარტის რეფერენდუმი უმნიშვნელოვანესი დღეა საქართველოს ისტორიაში, რომელსაც 9 აპრილს დამოუკიდებლობის აქტზე ხელის მოწერა მოჰყვა და საქართველო გახდა დამოუკიდებელი სახელმწიფო, რომელიც დღემდე ვითარდება ევროპული გზით, ხვალინდელი დღეც ჩვენ მხოლოდ ევროატლანტიკურ ალიანსთან ინტეგრირებულად წარმოგვიდგენია“-აღნიშნა ზუგდიდის მერმა გიორგი შენგელიამ.
დღესვე, ზუგდიდის მუნიციპალიტეტის მერის მოადგილე კონსტანტინე კაკავა და საკრებულოს თავმჯდომარე მამუკა წოწერია, დარჩელში ზვიად გამსახურდიას ბიუსტს და ჯიხაშკარში, პრეზიდენტის მემორიალურ საფლავს ყვავილებით შეამკობენ.
v-if="article.gallery" v-html="article.gallery"
