„აიპლიუსი“ მომხმარებლებს 7 აპრილის ჩათვლით საჩუქრების სერიას სთავაზობს

საქართველოში Apple-ის ოფიციალური პარტნიორი „აიპლიუსი“ მომხმარებლებს 1-დან 7 აპრილის ჩათვლით საჩუქრების სერიას სთავაზობს. ამის შესახებ „ინტერპრესნიუსს“ „აიპლიუსიდან“ აცნობეს.

მათივე ცნობით, 1-7 აპრილს მომხმარებლებს შეძენილ ნებისმიერ iPhone-ზე MacBook-სა და iPad-ზე სპეციალური საჩუქრებით ელით და სასურველი საჩუქრის შერჩევას თავად შეძლებენ.

„iPhone-ის შეძენისას არჩევანს ბრონირებულ დამცავს, ადაპტერებსა და ქეისებს შორის ინდივიდუალურად გააკეთებთ. MacBook-ის შეძენისას მიიღებთ უნივერსალურ Hub-ს, რომელიც ყველა საჭირო პორტით იქნება აღჭურვილი, ხოლო iPad-ის შერჩევის შემთხვევაში საჩუქრად 199 ლარიანი Stylus-ის კალამი ან ბრონირებული დამცავი გადმოგეცემათ“, - აღნიშნულია ინფორმაციაში.

“აპრილის თვეს განახლებული აქციით ვხვდებით. საჩუქარი ყველას - ამ სლოგანით თითოეული მომხმარებელი დასაჩუქრდება და ჩვენგან თავად შერჩეული პროდუქტით წავა. ჩვენ არ გვსურს შევზღუდოთ მათი სურვილები და მომხმარებლებს სრულ თავისუფლებას ვანიჭებთ. ნებისმიერი Apple-ის პროდუქტის შეძენისას, თავად გადაწყვეტთ სასურველი აქსესუარის მიღებას”, - განაცხადა კომპანიის მარკეტინგის დეპარტამენტის მმართველმა, თამარ რურუამ.

ამასთან, Apple-ის პროდუქციასთან ერთად აქციები გავრცელდება აქსესუარების შეძენისას. მომხმარებლები ბრონირებული დამცავის და კაბურების შეძენისას 50%-მდე ფასდაკლებებით ისარგებლებენ.