ფრიდონ ხალვაშის სახელობის პარკის რეაბილიტაცია დასასრულს უახლოვდება. როგორც „ინტერპრესნიუსს“ აჭარის უმაღლესი საბჭოდან აცნობეს, მიმდინარე სამუშაოები ხულოს, შუახევის, ქედისა და ხელვაჩაურის მაჟორიტარმა დეპუტატმა აჭარის უმაღლეს საბჭოში ფრიდონ ფუტკარაძემ, ქედის მერთან - ლევან გორგილაძესთან ერთად დაათვალიერა.

პარკის რეაბილიტაცია-კეთილმოწყობაზე ადგილობრივ ბიუჯეტში 550 000 ლარია გათვალისწინებული. დღესვე ფრიდონ ფუტკარაძე ქედის საკრებულოს სხდომას დაესწრო, სადაც მუნიციპალიტეტის მერის ლევან გორგილაძის ანგარიში მოისმინეს 2020 წელს გაწეული საქმიანობის შესახებ.