გონიოში, ხანძრის შედეგად, 45 წლამდე ქალი დაიღუპა, ხოლო მისი მეუღლე დაშავდა. მამაკაცი სასწრაფო-სამედიცინო დახმარების ბრიგადამ ბათუმის რესპუბლიკურ საავადმყოფოში გადაიყვანა.

როგორც "ინტერპრესნიუსს" კლინიკაში განუცხადეს, 45 წლამდე მამაკაცს დამწვრობა სახისა და ხელის არეში ჰქონდა მიყენებული. ექიმების თქმით, პაციენტს შესაბამისი მკურნალობა ჩაუტარდა, თუმცა პაციენტი კლინიკაში არ დარჩა.

არსებული ინფორმაციით, საცხოვრებელ სახლში ხანძარი შეშის ღუმელის დანთების დროს გაჩნდა. ადგილზე მისულ სახანძრო-სამაშველო ბრიგადას ხანძარი ლიკვიდირებული დახვდა.