იან კელი პოზნერის ვიზიტზე - ეს შემაშფოთებელია
საქართველოში აშშ-ის ყოფილი ელჩი იან კელი რუსი ჟურნალისტის ვლადიმერ პოზნერის საქართველოში ჩამოსვლას ეხმაურება.
"ეს შემაშფოთებელია", - დაწერა მან "ტვიტერზე".
შეგახსენებთ, რომ სასტუმრო „რუმსთან“, სადაც რუსი ჟურნალისტი ვლადიმერ პოზნერი სტუმრებთან ერთად იმყოფება, სამოქალაქო აქტივისტები და პოლიტიკოსები აქციას მართავენ. ისინი პოზნერისა და მისი სტუმრების მიერ საქართველოს დატოვებას მოითხოვენ. ადგილზე მობილიზებულია პოლიცია.
მანამდე ვლადიმერ პოზნერი საკუთარ სტუმრებთან ერთად სასტუმრო "ვინოტელში" იმყოფებოდა, რომელიც შრომის ინსპექციის სამსახურმა აკრძალული საქმიანობის განხორციელებისთვის 10 000 ლარით დააჯარიმა. პოზნერმა და მისმა სტუმრებმა სასტუმრო პოლიციის კორდონის საშუალებით, პროტესტის ფონზე დატოვეს.
