ზუგდიდის ბოტანიკური ბაღის აღდგენით სამუშაოებში პროფესიული სტუდენტები მონაწილეობენ

განათლებისა და მეცნიერების მინისტრის მოადგილე თამარ ქიტიაშვილი ადგილობრივი თვითმმართველობის წარმომადგენლებთან ერთად ზუგდიდის ბოტანიკურ ბაღს ესტუმრა, სადაც დუალური პროგრამის სტუდენტებსა და მათ პროფესიულ მასწავლებლებს შეხვდა და პროგრამის შესახებ მათი შეფასებები მოისმინა. ამის შესახებ ინფორმაციას განათლებისა და მეცნიერების სამინისტრო ავრცელებს.

შოთა მესხიას ზუგდიდის სახელმწიფო სასწავლო უნივერსიტეტი ზუგდიდის ბოტანიკურ ბაღთან ერთად, საქართველოს ფერმერთა ასოციაციისა და World Vision საქართველოს მხარდაჭერით, უკვე მესამე წელია დეკორატიული მებაღეობის დუალურ პროგრამას ახორციელებს.

„ამ ეტაპზე აღნიშნული პროგრამის პროფესიული სტუდენტები აქტიურად არიან ჩართულნი ბოტანიკური ბაღის აღდგენით სამუშაოებში. შესაბამისად, შეხვედრისას მხარეებმა პროგრამის ეფექტურობაზე ისაუბრეს და მომავალ თანამშრომლობაზე შეთანხმდნენ, რაც შედეგიანი იქნება როგორც უნივერსიტეტის, სტუდენტისა და ბოტანიკური ბაღისთვის, ისე ქალაქისთვის.

დეკორატიული მებაღეობის პროგრამის ფარგლებში, დუალური სწავლების სპეციფიკის გათვალისწინებით, სტუდენტები თეორიული სწავლების კურსს უნივერსიტეტის ბაზაზე გადიან, ხოლო პრაქტიკულ კომპონენტს ბაღში ეუფლებიან და უნიკალურ სამუშაო გამოცდილებას იღებენ.

ზუგდიდის ბოტანიკური ბაღი მე-19 საუკუნეში ეკატერინე ჭავჭავაძის მიერ გაშენდა. პარკში ოთხმოცამდე სახეობის მცენარეა თავმოყრილი და ქვეყნის ერთ-ერთ უმნიშვნელოვანეს ბოტანიკურ კომპლექსს წარმოადგენს. ბაღი მასშტაბური აღდგენითი სამუშაოების ჩატარების საფუძველზე, 2019 წელს გაიხსნა და მაშინვე დაიწყო უნივერსიტეტთან ერთად დუალური პროგრამების განხორციელება“, - ნათქვამის სამინისტროს მიერ გავრცელებულ ინფორმაციაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე