ბათუმის მე-16 სკოლის კედლებზე ბზარები გაჩნდა, რის გამოც სკოლაში ორშაბათიდან სასწავლო პროცესი დისტანციურ რეჟიმში განახლდება
ბათუმის მეთექვსმეტე საჯარო სკოლის კედლებზე ბზარები გაჩნდა, რის გამოც სკოლაში ორშაბათიდან სასწავლო პროცესი დისტანციურ რეჟიმში განახლდება.
როგორც აჭარის განათლების, კულტურისა და სპორტის სამინისტროში აცხადებენ, მომხდარს ექსპერტები სწავლობენ.
„ბათუმის #16 საჯარო სკოლაში ორშაბათიდან სწავლა გაგრძელდება დისტანციური ფორმით. ქ. ბათუმის #16 საჯარო სკოლის შენობის ტექნიკური მდგომარეობის გათვალისწინებით (ბზარები რამდენიმე კედელზე), მოსწავლეთა და სკოლაში დასაქმებულ პირთა უსაფრთხოების მიზნით, საქართველოს განათლებისა და მეცნიერების სამინისტროსთან შეთანხმებით, მიღებულ იქნა გადაწყვეტილება ორშაბათიდან სასწავლო პროცესი გაგრძელდეს დისტანციური სწავლების ფორმით, დროებით საკითხის შესწავლამდე",- აცხადებენ უწყებაში.
