ქობულეთის მუნიციპალიტეტის სოფელ ოჩხამურთან ხანძარი გაჩნდა. ქობულეთის მერის, მირიან ქათამაძის თქმით, ცეცხლის დასახლებულ პუნქტზე გავრცელების საფრთხე არ არსებობს.
"სოფელ ოჩხამურში ძირითადად ეკალ-ბარდი იწვოდა, წინასწარი გათვლით, ეს არის სამი ჰექტარი, ხანძართან ახლოს დასახლებული პუნქტი არ არის, ადგილზე რამდენიმე სახანძრო ბრიგადა მუშაობს", - განაცხადა მირიან ქათამაძემ.
როგორც საგანგებო სიტუაციების მართვის სამსახურში აცხადებენ, ამ დროისთვის ხანძარი უკვე ლიკვიდირებულია.