ბათუმში, სამოქალაქო მოძრაობა “სირცხვილიას" ოფისთან ხმაური იყო. როგორც მოძრაობის წევრები აცხადებენ, სამართალდამცველები შენობაში, სადაც ორგანიზაციაა განთავსებული, შევიდნენ და ადამიანები დააკავეს. მათივე ინფორმაციით, დაკავებულია 5 ადამიანი.

აქტივისტები პოლიციის მხრიდან ძალის გადამეტებაზე საუბრობენ.

„შემოგვივარდნენ, ჩამოხიეს პოსტერები, ჩამოგვათრიეს კიბეზე, 5 ადამიანია დაჭერილი" , - აცხადებს მოძრაობის ერთ-ერთი წევრი.

მოძრაობა "სირცხვილიას" მიერ გავრცელებულ ინფორმაციაში ნათქვამია, რომ "აჭარის პოლიცია შეიჭრა რეგიონალური ორგანიზაციის ოფისში, სადაც ისევე როგორც პარლამენტის წინ, იმართებოდა დაუმორჩილებლობის აქცია და დაკავებულია რამდენიმე ადამიანი".