ბულგარეთში საპარლამენტო არჩევნები იმართება

ბულგარეთში დღეს საპარლამენტო არჩევნები იმართება. ქვეყანაში 12 000-ზე მეტი უბანი დილიდან გაიხსნა, ხმის მიცემის უფლება 6.7 მილიონ ადამიანს აქვს. არჩევნებში მონაწილეობას სულ 22 პოლიტიკური პარტია, 8 კოალიცია და რამდენიმე დამოუკიდებელი კანდიდატი იღებს.

პანდემიის გამო, საარჩევნო უბნებთან ჰიგიენური წესებისა და დისტანციის დაცვა სავალდებულოა. საზოგადოებრივი გამოკითხვების მიხედვით, ხმათა უმრავლესობას მმართველი კოალიცია მიიღებს.

მათი პროგნოზით, პარტია „მოქალაქეები ბულგარეთის ევროპული განვითარებისთვის“ და მათი პარტნიორი „დემოკრატიულ ძალთა კავშირი“ ხმების 28%-ს მიიღებენ, ხოლო მათი მთავარი მოწინააღმდეგე „სოციალისტები“ კი- 20%-ს.