ქობულეთის მუნიციპალიტეტის სოფელ ნაკაიძეების საჯარო სკოლაში კორონავირუსის გამო, კლასებში სასწავლო პროცესი შეწყდა.
როგორც აჭარის ჯანდაცვის სამინისტროში „ინტერპრესნიუსს" განუცხადეს, კორონავირუსი სკოლის თანამშრომელს დაუდასტურდა და სკოლა ორი კვირის განმავლობაში დისტანციურ რეჟიმში გააგრძელებს სწავლას.
უწყების ინფორმაციით, საერთო ჯამში აჭარაში სხვადასხვა სკოლის 8 კლასი დისტანციურ რეჟიმში სწავლობს.
ასევე, რეგიონში ოთხი საბავშვო ბაღი კორონავირუსის გამო დროებით დაიხურა.