ლაშა ხუციშვილი - ჩვენი საბაჟო ინფრასტრუქტურა პანდემიის გამო დაწესებული გარკვეული შეზღუდვების პირობებშიც განაგრძობს 24-საათიან რეჟიმში მუშაობას

ფინანსთა მინისტრი ლაშა ხუციშვილი პანდემიის პირობებში გაფორმების ეკონომიკურ ზონებსა და საბაჟო გამშვებ პუნქტებში კონტროლის პროცედურებს გაეცნო.

მინისტრმა შემოსავლების სამსახურის უფროსთან, ლევან კაკავასთან და სამსახურის სხვა ხელმძღვანელ პირებთან ერთად, დაათვალიერა თბილისში არსებული გაფორმების ეკონომიკური ზონები (,,თბილისი“, ,,თბილისი 2”, გაფორმების ეკონომიკური ზონა „აეროპორტი“) სადაც ხორციელდება როგორც საჰაერო, ასევე სახმელეთო ტვირთების გაფორმების პროცედურები.

ასევე, მოინახულა საჰაერო გზით შემოსული ტვირთების მომსახურების ავია-სატვირთო ტერმინალი - „ლასარე“.

ფინანსთა მინისტრი გაეცნო კინოლოგ-ოფიცრების მუშაობას, რომლებიც სამსახურებრივ ძაღლებთან ერთად, ქვეყნის ეკონომიკური საზღვრების უსაფრთხოებას იცავენ.

ლაშა ხუციშვილი იმყოფებოდა „სადახლოსა“ და „წითელი ხიდის“ საბაჟო გამშვებ პუნქტებზე, სადაც მებაჟე ოფიცრებისგან მოისმინა ინფორმაცია პანდემიიდან გამომდინარე დაწესებული შეზღუდვების პირობებში, როგორ მიმდინარეობს საბაჟო კონტროლის პროცედურები, რათა დაუბრკოლებლად განხორციელდეს საერთაშორისო გადაზიდვები.

ფინანსთა მინისტრმა თითოეულ მებაჟე ოფიცერს მადლობა გადაუხადა პანდემიის პირობებში გაწეული სამსახურისთვის.

„ჩვენი მებაჟე ოფიცრები, გაფორმების ეკონომიკური ზონების თანამშრომლები, თავისი ფუნქციებიდან გამომდინარე, თავიდანვე, კორონავირუსის წინააღმდეგ ბრძოლის წინა ხაზზე აღმოჩნდნენ. მათ განსაკუთრებული როლი ჰქონდათ, გამომდინარე იქიდან, რომ 24 საათის განმავლობაში, ისინი ემსახურებოდნენ როგორც ჩვენს მოქალაქეებსა და ტურისტებს, ისე ბიზნეს ოპერატორებს. პირველივე დღეებიდანვე, განხორციელდა ყველა საჭირო ღონისძიება, რამაც უზრუნველყო საქართველოს ტერიტორიაზე ტვირთების, მგზავრების შეუფერხებელი და უსაფრთხო გადაადგილება. მინდა მათ მადლობა გადავუხადო ამ ურთულესი სამუშაოს ღირსეულად შესრულებისთვის. ამ დროისთვისაც, ჩვენი საბაჟო ინფრასტრუქტურა პანდემიის გამო დაწესებული გარკვეული შეზღუდვების პირობებშიც განაგრძობს 24-საათიან რეჟიმში მუშაობას. დღეს, ყველაზე მთავარია, პანდემიის გამო დაწესებული რეკომენდაციების მკაცრი დაცვა და ვაქცინაციის პროცესის აქტიურად წარმართვა, რაც საშუალებას მოგვცემს საჰაეროსთან ერთად, გაიხსნას სახმელეთო საზღვარი, საბაჟო-გამშვებმა პუნქტებმა კვლავ შეუფერხებლად განაგრძონ მგზავრებისა და ტვირთების მომსახურება, რაც სასიცოცხლოდ მნიშვნელოვანი ბიძგი იქნება ეკონომიკის აღდგენის დაჩქარებისთვის“, - აღნიშნა ფინანსთა მინისტრმა ლაშა ხუციშვილმა.

აღნიშნულ ინფორმაციას ფინანსთა სამინისტროს პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს