ოზურგეთში მომხდარი ავტოსაგზაო შემთხვევის შედეგად დაშავებული მოზარდების მდგომარეობა მძიმეა, - ამის შესახებ კლინიკა „მედალფას“ დირექტორმა დავით მდინარაძემ განაცხადა. მისი თქმით, ორივე მათგანის რეფერირება შესაბამისი პროფილის კლინიკაში მოხდება.

„ავტოსაგზაო შემთხვევის შედეგად დაშავებული 10 და 12 წლის მოზარდები მოთავსებული არიან ჩვენს კლინიკაში. გოგონას აღენიშნება ქალა-ფუძის მოტეხილობა და მართვით სუნთქვაზე იმყოფება, ბიჭს კი ქალა-ტვინის დახურული ტრავმა აქვს. მათ საჭირო კვლევები უკვე ჩაუტარდათ. ორივე მათგანის ჯანმრთელობის მდგომარეობა მძიმეა. გამოძახებული გვყავს რეფერალი და მოხდება მათი გადაყვანა შესაბამისი პროფილის კლინიკაში,“- განაცხადა დავით მდინარაძემ.

შეგახსენებთ, ოზურგეთში ავტოსაგზაო შემთხვევის შედეგად ახალგაზრდა ქალი გარდაიცვალა, ორი ბავშვი კი მძიმედ დაშავდა.