ხელვაჩაურში, ოპიზრების ქუჩაზე ხმაური იყო. ადგილობრივმა მოსახლეობამ პროტესტის ნიშნად გზა გადაკეტა.
როგორც მოსახლეობა ჟურნალისტებთან საუბარში აცხადებს, მათი მოთხოვნაა საგზაო ინფრასტრუქტურის მოწესრიგება.
მათი თქმით, უამინდობის დროს ოპიზრების ქუჩა სრულად პარალიზებულია.
აქციაზე ხელვაჩაურის პოლიციის სამმართველოს უფროსი მივიდა და მოსახლეობას ხელისუფლებასთან შუამდგომლობას დაჰპირდა. მოლაპარაკების შემდეგ, აქციის მონაწილეებმა სატრანსპორტო გზა გახსნეს.
„წვიმიან ამინდში აქ ვერ გადაადგილდები, რადგან მთელი ქუჩა იტბორება. მზიან ამინდში კი მტვერია და ვერ ვსუნთქვათ. აქ ცხოვრება გაუსაძლისია",- აცხადებენ შეკრებილები.